FBI ka zgjeruar kërkimin në mbarë vendin për një vajzë 13 vjeçare të humbur. Prindërit e saj u gjetën të vrarë në shtetin amerikan të Wisconsin.
Zyrtarët besojnë se Jayme Closs ishte në shtëpi kur prindërit e saj u vranë të hënën.
Kërkimi në Wisconsin që përfshin më shumë se 200 agjentë dhe vullnetarë të FBI-së deri më tani nuk ka arritur ta gjejë vajzën.
Prindërit e saj, Denise 46-vjeçare dhe babai James 56-vjeçar u gjetën të vrarë në shtëpinë e tyre rreth orës 01:00 të hënën. Policia thotë se ka prova se ajo ishte në shtëpi kur ndodhën trazirat.
Të martën, Sherifi i Qarkut Barron Chris Fitzgerald tha se shërbimet e urgjencës morën një telefonatë nga një telefon celular dhe dëgjuan zhurma e ulërima në sfond, por askush nuk foli drejtpërdrejt me ta.
Kur policia arriti katër minuta më vonë, asnjë armë ose i dyshuar nuk u gjet në vendin e ngjarjes. Aty nuk kishte asnjë shenjë të Jayme.
Gjithsesi vdekjet e James dhe Denise Closs u vendosën zyrtarisht si vrasje nga një mjek ekzaminues.
Autoritetet lokale kanë thënë se hetuesit nuk besojnë se ajo u largua me dëshirë dhe ata nuk e konsiderojnë atë të dyshuarën e tyre.
“Qëllimi ynë numër një është të sjellim Jayme në shtëpi. Asnjë informacion nuk do të jepet nëse ne nuk mendojmë se është e përshtatshme për të ndihmuar”, tha Sherifi Fitzgerald këtë javë.
Jayme dhe nëna e saj ndoqën një festë ditëlindje së bashku të dielën pasdite. Ndërsa James Closs ishte në punë atë ditë./Opinion.al
Burimi: BBC
