Presidenti i Komisionit Europian, Jean-Claude Juncker nuk lë rast pa tërhequr vëmendjen e publikut. Këtë herë ai është shfaqur para gazetarëve dhe fotografëve në Bruksel me një leukoplast të madh në faqen e majtë, njësoj si edhe në takimin me kryeministren britanike Theresa May.
Të gjithë pyetën veten se çfarë mund t’i kishte ndodhur, deri sa ishte vetë ai që shoi kureshtjen. “Është rezultati i një gjesti të paqëllimshëm, që bëra këtë mëngjes teksa po rruhesha”, ka thënë duke bërë shaka me reporterët në Bruksel. “Doja t’jua thoja vetë, që të mos mendoni se më ka plagosur May”, u shpreh më tej ai./Opinion.al
