Para se të luhej ndeshja ndaj Skënderbeut, presidenti Safet Gjici thërriti në zyrën e tij në një takim kapitenin Rrahman Hallaçi dhe zëvendëskapitenin Ylli Shameti, të cilëve u kërkoi që të bënin maksimumin në fushë dhe ta mbanin të karikuar pjesën tjetër të lojtarëve.
Pas kërkesave të presidentit ka ardhur edhe ajo e futbollistëve, që kanë dashur pagesat mujore para datës 20, e cila ishte fikse. Pas paraqitjes së mirë dhe pikës së marrë në transfertë, Gjici ka dhënë urdhër dhe rrogat mujore për futbollistët janë shpërndarë.
Një gjë e tillë natyrisht që ka shtuar edhe më shumë optimizmin në ekip. Te Kukësi ka pasur gjithmonë korrektesë financiare, madje presidenti nuk i ka kursyer asnjëherë edhe shpërblimet.
/PanoramaSport
