Kanë nisur homazhet në Kuvendin e Shqipërisë për ish-deputetin e PD, Gerti Bogdanin, i cili u nda nga jeta ditën e djeshme.
Homazhet në Kuvend në nder të tij do të nisin në orën 10:00 dhe do të përfundojnë në orën 12:00.
Më pas, Gerti Bogdani do të përcillet për në banesën e fundit, në varrezat e Sharrës.
Seanca parlamentare që ishte programuar të niste të enjten në orën 10:00 është shtyrë në orën 17:00.
Ndërkohë, Partia Demokratike njoftoi se në nder të Gert Bogdanit ka shpallur të enjten ditë zie dhe për rrjedhojë ka pezulluar të gjitha aktivitetet partiake në të gjithë vendin.
Bogdani ndërroi jetë në moshën 44 vjeçare pas një arresti kardiak.
