Ditën e djeshme është raportuar në mediat greke se një 60-vjeçar shqiptar dyshohet se i hoqi aparatin respirator një 72-vjeçari në ambientet e spitalit ku ishin të shtruar.
Ndërkohë që sot bëhet me dije se 60-vjeçari, identiteti i të cilit nuk është bërë i ditur i ka mohuar të gjtha akuzat e ngritura kundër tij.
“Ai ishte i sëmurë dhe tani po dëgjoj të thuhet se e kam lënduar unë. Cilat kabllo duhet të heqja? Unë nuk mund të ngrihem nga shtrati. Si është e mundur kjo gjë? ” tha shqiptari i akuzuar në emisionin Tlive në Alpha.
I pyetur nëse e shqetësonte zhurma e respiratorëve në dhomën e spitalit, ai u përgjigj: “Jo. Unë po përpiqesha ta ndihmoja kur e pashë ashtu. Po mundohesha, ajemi vrasës tani? Mjekët u përpoqën për më shumë se 10 orë. Ishin rreth 5-6 mjekë që po përpiqeshin ta ndihmonin atë. Unë nuk e lëndova fare. Pse duhet ta shqetësoj? Ai kishte një problem shumë të madh me shëndetin e tij.” Përfundon shqiptari i akuzuar për vrasje.
Njoftimi i Policisë greke
Nën-Drejtoria e Sigurisë së Athinës, në kontekstin e hetimit të vdekjes së një pacienti të pranuar në Spitalin e Kryqit të Kuq, ngriti një çështje kundër një të huaji, gjithashtu i shtruar në të njëjtin repart, për veprën penale “Vrasje” ./Opinion.al
