Ministrja Elisa Spiropali ka komentuar në seancën e sotme në Kuvendin e Shqipërisë përplasjet brenda PD-së, mes Bashës, Bardhit dhe Berishës.
Duke ironizuar kreun e PD zyrtare Lulzim Basha Spiropali tha se “memecit i paska ardhur goja”.
Më tej ajo u shpreh se demokratët para se të vijnë në parlament për të zgjidhur hallet e Shqipërisë, duhet të shikojnë hallet e shtëpisë së tyre.
“Sot më kujtuat një film socio-realist, ku disa divversantë dhe sigurimsa merren me njëri tjetrin se kush është armiku e tradhtari dhe Sali, doktor, do ishte shumë e përshtatshme ajo shprehja “memecit i erdhi goja”. Në këtë rast do ishte zotit Lulzim i erdhi goja në Kuvend dhe i erdhi hidhur sepse nuk mundet që në këtë foltore të merret me kryetaren e kuvendit me Kuvendin e Shqipërisë me rregullat e me Kushtetutën, kur hallin nuk e ka as te kushtetuta as te Kuvendi por e ka te shtëpia e tij. Nuk mundet që nga kjo foltore të më heqë fjalën as doktori. Tentativa për të krijuar një narrativë me heronjë dhe tradhëtarë me të shtirur dhe të blerë është narrativa më e rrezikshme dhe më e dëmshme për Kosovën. E keni traditë të shëmtuar këtë dhe nuk ka gjë më të dëmshme që për interesa të partisë të vini në lojë Shqipërinë dhe Kosovën e fusni i si dëm kolateral në këtë mes. Ka ksush i del për zot Shqipërisë dhe Kosovës. Zgjidhni hallet e shtëpisë e më pas me ato të Kosovës dhe Shqipërisë”,-tha Elisa Spiropali.
