Automjeti i ish-anëtares së Këshillit Bashkiak Shkodër, Alida Haxhisë është dëmtuar gjatë natës. Ngjarja ka ndodhur në Shëngjin pranë një resorti ku makina ka qenë e parkuar.
Sakaq, vetë Haxhia ka folur mbi ngjarjen dhe ka thënë se nuk ka asnjë konflikt. Ajo është shprehur se ka dyshimet se saj lidhur me ngjarjen, ndërsa u kërkoi autoriteteve që të gjejnë autorët.
Më tej Haxhia hodhi akuza ndaj policisë, duke thënë se nuk ka treguar gatishmërinë e saj, duke shtuar se ka mbërritur në vendin e ngjarjes dy orë me vonesë.
“Unë jam qytetare shkodrane, quhem Alida Haxhia. Unë kam një biznes timin privat në Shkodër, operoj dhe në pjesën e politikës Shkodrane. Mbrëmë rreth orë 22:00 kam parkuar makinën time me targa të huaja, në ambientet e resortit. Sot në mëngjes pashë makinën time të masakruar nuk e di nga kush persona, por një dyshim timin personal e kam. Nuk e di se çfarë ka ndodhur, problemi ka qenë gjatë natës, por asnjë person nuk më ka lajmëruar. Policia ka ardhur në vendngjarje pas dy orësh, i kam njoftuar direkt, por ka ardhur pas dy orësh. Nuk kam absolutisht asnjë konflikt, kam një banesë të vogël në Shëngjin dhe s’kam asnjë problem. Kërkoj që policia të marrë masa, por gatishmëria e policisë së Lezhës, ishte katastrofike, zero përballë kërkesës së qytetarit”, ka treguar ajo.
