Deputeti Tritan Shehu ka folur në seancën plenare të ditës së sotme për situatën e tensionuar në veri të Kosovës dhe për gjenocidin serb.
Shehu në Kuvendin e Shqipërisë ka akuzuar qeverinë se nuk ka guxim të dënojë gjenocidin serb në Kosovë.
Ai tha se Shqipëria nuk e miraton këtë rezolutë pasi sipas tij qeveria ka hall se i mërzitet Aleksandër Vuçiç.
“Na bën të mblidhemi sikur të jemi parlamenti i marsit apo jupiterit dhe jo i Shqipërisë. Një grup deputetësh kemi paraqitur prej një vit e ca një kërkesë për një mocion me debat ndaj gjenocidit serb në Kosovë. Ende nuk është futur në diskutim pranimi apo jo nga asambleja plenare e këtij diskutimi.
Kur mbi Kosovën po realizohet një agresion i plotë, kur ata që janë përgjegjës të autorit të gjenocidit, sot kërkojnë të veshin petkun e qengjit. Unë do them diçka, zanafilla e gjithçkaje është ai geoncid, dhunë, ajo shtypje e madhe që u finalizua me vrasjet masive të viteve 90. Pa e dënuar, pa e njohur atë s’kemi të drejtë të kërkojmë drejtësi, nga ana tjetër Serbia vazhdon të mos e njohë atë gjenocid. Parlamenti shqiptar nuk e kalon se mërzitet Vuçiç, ne heshtim në kundërshtim të plotë me rregulloren, me detyrimet e botës demokratike për të dënuar atë geoncid”, tha Shehu./Opinion.al
