Policia e Tiranës ka ndaluar në kohë një automjet në rrugën “Ferit Xhajko”, ku kryefamiljari i dehur qarkullonte me 120 km/ h ndërkohë që në makinë kishte gruan me dy fëmijët e vegjël.
Ndalimi i burrit të dehur ndodhi mbrëmjen e së premtes në kuadër të Planit Operacional “Tispol Gusht 2018” që po zhvillohet në kryeqytet në rrugët dhe zonat kryesore të evidentuara si “njolla të zeza”.
Raste ekstreme u konstatuan edhe në “Rrugën e Kavajës”, Tiranë, ku shpejtësia e lëvizjes së automjeteve arrinte nga 93 km/h deri në 99 km/h ndërkohë që shpejtësia maksimale e lejuar është jo më shumë se 30 km/h!
U arrestuan 5 persona, nga të cilët 4 të dehur dhe 1, i papajisur me leje drejtimi. U pezulluan 32 leje drejtimi nga të cilat, 20 për drejtim mjeti nën ndikimin e alkoolit dhe 12 për shpejtesi tej normave te lejuara; krahas tyre, u ndaluan 12 mjete për detyrime të pashlyera.
Video e kontrolleve, e publikuar nga Policia e Tiranës:
