Policia ka arritur të zbardhë ngjarjen e ndodhur dy netë më parë në Kurbin ku është qëlluar me armë stimuluese dhe janë thyer shishe nga një person i dehur.
Policia tha ngjarja ndodhi në një lokal në Fushë Gjormë në Kurbin, ku Lekë Kola në gjendje të dehur ka qëlluar me armë zhurmuese imituese. Po kështu ku person në gjendje të dehur ka thyer shishe dhe ka mbetur vetë i plagosur.
Gjatë këqyrjes në vendngjarje janë gjetur dhe sekuestruar 1 gëzhojë armë zjarri në ambientet e jashtme të lokalit dhe 2 gëzhoja pistolete simuluese(pistoleta imituese zhurmuese).
Është arrestuar Lekё Kola, 36 vjeç, banues në Lezhë për veprat penale ” Moskallëzim krimi ” “Prodhim dhe mbajtje pa leje e armëve luftarake dhe municionit” ” Prishje e qetësisë publike” parashikuar nga nenet 300 , 278/2 dhe 274 të Kodit Penal.
– Alfred Kola, 32 vjeç,banues në Lezhë për vepren penale ” Moskallëzim krimi” parashikuar nga neni 300 i Kodit Penal.
– Vlash Currakaj, 21 vjeç, banues në Lezhë për vepren penale ” Moskallëzim krimi ” parashikuar nga Neni 300 i Kodit Penal.
Gjithashtu u proceduan penalisht në gjendje të lirë shtetasit M.G. 27 vjeç, banues në Krujë dhe A.A. 20 vjeç, banues në Kurbin për vepren penale “Moskallëzim krimi” parashikuar nga neni 300 i Kodit Penal.
U shpall në kërkim dhe punohet për kapjen e shtetasit M. ( B). L. 32 vjeç, banues në Kurbin pasi ky shtetas kujdesej për lokalin dhe dyshohet se pas ngjarjes ka prishur vendin e ngjarjes dhe është larguar. Veprat penale në ngarkim të tij ” Veprime që pengojnë zbulimin e së vërtetës” dhe ” Moskallëzim krimi” parashikuar nga nenet 301 dhe 300 të Kodit Penal.
Gjithashtu gjatë kontrollit të ushtruar në këtë lokal u gjetën dhe u sekuestruan në cilësinë e proves materiale 6 kompjutera lojëra fati të paliçensuara.
Në lidhje me këtë u procedua penalisht në gjendje të lirë shtetasi A. B. 21 vjeç, banues në Kurbin për veprat penale “Fshehja e të ardhurave” ” Vënia në dispozicion e lokalit për lojëra të palejuara” parashikuar nga nenet 180 dhe 198 të Kodit Penal.
Gjithashtu u shpall në kërkim dhe punohet për kapjen e shtetasit A.( F.) L. 29 vjeç, banues në Malbardhë në Kurbin, i cili u shpall në kërkim për vepren penale “Organizimi i llotarive të palejuara .
