Bota

I buzëqeshur, Putin inspekton stërvitjet ushtarake në lindjen e largët



Bëhu pjesë e Grupit Zyrtar të Opinion.al
>> KËTU <<
               Publikuar në : 15:35 - 06/09/22 |
Opi Nion

Presidenti i Rusisë Vladimir Putin u shfaq duke buzëqeshur dhe duke bërë shaka me ministrin e tij të mbrojtjes ditën e sotme, teksa ai po inspektonte stërvitjet ushtarake në lindjen e largët të Rusisë.

Stërvitjet “Vostok” përfshijnë gjithashtu trupa nga Kina dhe India, megjithëse nuk ishte e qartë nëse njësi nga ato vende po merrnin pjesë në stërvitjet e vëzhguara nga Putin.

Stërvitja një javore që filloi të enjten ka për qëllim të shfaqë raportet në rritje të mbrojtjes midis Rusisë dhe Kinës dhe gjithashtu të demonstrojë se Moska ka mjaft trupa dhe pajisje për stërvitjet masive edhe kur forcat e saj janë të angazhuara në luftime në Ukrainë.

Ministria ruse e Mbrojtjes tha se stërvitja Vostok 2022 që zgjat deri të mërkurën zhvillohet në shtatë poligone në Lindjen e Largët të Rusisë dhe Detin e Japonisë. Në të marrin pjesë më shumë se 50,000 trupa dhe mbi 5,000 njësi armësh, duke përfshirë 140 avionë dhe 60 anije luftarake. Po ashtu në stërvitje marrin pjesë trupa nga disa vende ish-sovjetike si, Kina, India, Laosi, Mongolia, Nikaragua dhe Siria.

Pekini dërgoi më shumë se 2,000 trupa së bashku me më shumë se 300 automjete ushtarake, 21 avionë luftarakë dhe tre anije luftarake për të marrë pjesë në stërvitje, sipas raporteve të lajmeve kineze. Si pjesë e manovrave, marina ruse dhe kineze në Detin e Japonisë praktikuan veprime të përbashkëta për të mbrojtur komunikimet detare dhe mbështetjen për forcat tokësore në zonat bregdetare.

Neil Melvin, kreu i studimeve ndërkombëtare të sigurisë në Institutin Mbretëror të Shërbimeve të Bashkuara në Londër, vuri në dukje se stërvitjet synojnë “t’i tregojnë Perëndimit, partnerëve të tij në Azi se kjo është një marrëdhënie sigurie dhe ushtarake në zhvillim”.

Kina ka kritikuar sanksionet ndëshkuese perëndimore kundër Rusisë. Kremlini, nga ana tjetër, ka mbështetur Pekinin mes tensioneve të fundit me SHBA-në që pasuan një vizitë të fundit në Tajvan nga kryetarja e Dhomës së Përfaqësuesve të SHBA, Nancy Pelosi.

 

Pas