Një person, që thotë se është përdhunuar në qeli nga një prej gangsterëve me emër në Britani, shprehet se do të padisë shefat e burgut.
John Carmicheal ishte adoleshent kur ra në burg për krime të vogla. Por atje u përball me gangsterin famëkeq, Martin Hamilton.
Vetëm vitin e shkuar, 37-vjeçari me të tjera viktima të abuzimit seksual, vendosi të ngrejë një padi.
Ndërsa priste të përballej me “Kasapin e Blackhill-it”, ky i fundit u zhduk. Më pas 53-vjeçari u gjet i vdekur në një kanal.
Kjo dëmtoi rëndë shpresat e John se do shihte drejtësi për krimin që iu bë. Megjithatë ai thotë se nuk do ndalet, duke paditur shefat e burgut.
“Hamilton ishte një monstër. Ai më shkatërroi jetën. Mendoj se njerëzit duhet të dinë se çfarë njeriu ishte”, tha Carmichael.
Ai pretenton se Hamilton rrihte dhe përdhunonte adoleshentët.
Për çudi, shefat e burgut e kishin caktuar si i burgosur i pjekur, që duhej të kujdesej për fillestarët.
