Babai i Kostandino Kaçifas ka folur për median greke “Protothema”, për të cilën ka thënë se djali i tij u frymëzua nga ushtarët grekë të vrarë në vitet ’40-’41.
“Kostandinos ishte i frymëzuar nga ushtarët grekë të 1940-41-shit që ranë këtu, në trojet e Epirit. Ishte kaq thellë i frymëzuar saqë nuk ndahej nga flamuri grek. Erdhi para pesë vjetësh në fshat që të punojë këtu, sepse atëherë kishte punë. Sapo erdhi ngriti flamurin grek në kodrën ku ranë ushtarët grekë. Ai donte që fshati të kishte një shpirt frymëzues patriotik për helenizmin”, thotë babai i Kaçifas.
“Donim ngjyrat tona, tokën tonë, të Epirit. Për fat të keq burracakët e rendit botëror dhe diplomacia e të tjerëve na lanë jashtë. Këtë donte të frymëzonte djali”, përfundon Ioannis Kaçifas.
