Familja Lala, me orgjinë nga Kukësi dhe e vendosur prej rreth një viti në një vilë 4- katëshe në zonën e ish-Kënetës në Durrës, pësoi tragjedinë më të madhe nga tërmeti 6.4 Rihter i mëngjesit të së martës.
Sot në pallatin e kulturës së Durrës, 9 anëtarëve që humbën jetën në këtë tragjedi iu bën homazhet ku të pranishëm ishin qindra qytetarë.
Presidenti i Republikës Ilir Meta deklaroi se është detyrim ti qëndrojmë pranë kësaj familjeje që ka humbur shumë.
“E pamundur të gjesh fjalë për të ngushëlluar Familjen Lala pas kësaj tragjedie të tmerrshme. Zoti u dhëntë forcë për ta përballuar këtë dhimbje të pangushëllueshme. Detyrimi ynë për t’u qëndruar pranë gjithmonë!”, shkruan Meta.
“ÇFARË DHIMBJE përballë fotove të vogëlushëve që humbën jetën nën trupin e nënës që u shemb përtokë nga goditja fatale e peshës së shtëpisë së shembur”, shkroi në Facebook, kryeministri Rama i cili ishte gjithashtu i pranishëm në homazhe.
I vetmi i mbijetuar nga familja Lala ishte djali 17-vjeçar i cili fatmirësisht u nxor gjallë nga rrënojat e vilës së shembur.
Mes viktimave të familjes lala ishin katë fëmijë të moshave 2, 4, 5 dhe 10 vjeç. /Opinion.al
