Një 52-vjeçar është dëmtuar fizikisht pasi hyri për tu larë në lumin Buna.
Sipas uniformave blu ende nuk dihen rrethanat se si u dëmtua, por 52-vjeçari është transportuar me helikopter drejt spitalit të Traumës.
“Rreth orës 12:25, në fshatin Dajç, shtetasi A. D., 52 vjeç, kur ka hyrë për tu larë në lumin Buna është dëmtuar fizikisht.
52-vjeçari po transportohet me helikopter në Spitalin e Traumës në Tiranë për ndërhyrje mjeksore më të specializuar”, njofton policia.
Grupi hetimor vijon punën për sqarimin e rrethanave të kësaj ngjarjeje.
