Ndonëse erdhi me vonesë në mbledhjen e Komisionit të Jashtëm, si anëtar zëvendësues në mungesë të kuorumit, deputeti socialist Alfred Peza gjeti kohë të bëjë humor.
Ai gjeti aty gjashtë zonja deputete dhe kolegun Taulant Balla.
Kryetarja e Komisionit, Arta Dade i uroi mirëseardhjen, por kjo u shoqërua me këtë dialog për “forcën” e meshkujve deputetë:
Arta Dade: Z. Peza, ju falënderoj për pjesëmarrjen. Bëtë shumë mirë që erdhët, që të rregulloni pak situatën. Shiko si ishim bërë këtu, vetëm femra. Z. Balla ishte i vetmi…
Alfred Peza: Besoj që biem të gjithë dakord që unë dhe kolegu Balla kemi kapacitetet për të përballuar dhe kompensuar situatën.
Arta Dade: Joooo. Nuk besoj të jeni aq të fuqishëm!
Alfred Peza: Epo tani, me provë është kjo punë!
