Kreu i Partisë Demokratike, Lulzim Basha do të mbledhë sot në selinë blu Kolegjin e Kryetarëve. Mësohet se takimi do të nis rreth orës 17:00 dhe fokusi i diskutimeve besohet se do të jetë humbja që PD pësoi në zgjedhjet e pjesshme të 6 marsit.
Ky takim vjen pasi ditën e djeshme në selinë blu u mblodh Grupit Parlamentar Demokrat, ku pati debate të forta në lidhje me shkaqet e humbjes në zgjedhjet e 6 marsit.
Kujtojmë se në një mbledhje urgjente pas seancës plenare të së hënës, shumica e deputetëve që janë në grupin e PD-së kërkuan nga kryedemokrati Basha që të marrë përgjegjësi dhe të japë dorëheqjen./Opinion.al
