Janë gjendur pas 5 ditësh kërkime dy vajzat 16-vjeçare të humbura në Tiranë.
Bëhet me dije se vajzat me iniciale K.A dhe M.H janë larguar nga shtëpia me dëshirë dhe me pretekstin se nuk ndiheshin mirë me familjarët e tyre.
“U larguam me dëshirë, pasi nuk ishim të kënaqura në shtëpinë tonë”, thanë dy shoqet.
Dyshohet se të miturat janë gjetur në një hotel në Përmet dhe janë shoqëruar nga një 45 vjeçar. Nga Tirana drejt Përmetit kanë shkuar me një linjë furgoni, me ngjyrë paksa të errët dhe kanë shkuar në hotel.
Punonjësit e komisariatit të Përmetit i kishin në mbikëqyrje të dyja vajzat dhe me një lloj diplomacie i kanë ndjekur. Në momentin që janë shoqëruar në komisariat ato s’kanë bërë rezistencë, shkruan Shqiptarja.com
Mësohet se vajzat do të merren në pyetje në policinë e Tiranës në prani të një psikologu. Ndërkaq policia ka njoftuar se të miturat janë gjendur në gjendje të mirë shëndetësore, në Përmet./Opinion.al
