Një farmacist nga Wisconsin i SHBA-së, ka shkatërruar qëllimisht 570 doza të vaksinës Moderna të cilat përdoren kundër COVID-19.
Farmacist Stephen Brandenburg besonte se ato ishin të pasigurta për qytetarët, transmeton ABCNews.
Farmacisti 46-vjeçar, licenca të cilit i është dhënë në vitin 1997, ishte një nga personat të cilët besonin në toritë konspirative mbi vaksinat kundër COVID-19.
Bëhet me dije se u ka thënë hetuesve se vaksina Moderna “nuk ishte e sigurt për njerëzit dhe mund t’i dëmtonte ata dhe të ndryshonte ADN-në e tyre“.
Mësohet se farmacisti është arrestuar në shtëpinë e tij nga autoritete të Departamentit të Policisë Grafton më 31 dhjetor 2020.
Një punonjës i farmacisë zbuloi 57 shishet e vaksinës Moderna jashtë frigoriferit ku duhet të ruheshin që prej datës 26 dhjetor. Çdo shishe përmban 10 doza; afërsisht 570 doza që ishin prishur kishin një vlerë prej 11,000 dollarë, ka thënë policia.
Policia e Grafton konfirmoi se farmacisti Brandenburg kishte hequr qëllimisht shishet nga depoja në frigorifer në Spitalin Shëndetësor Advocate Aurora në 24 dhjetor dhe 25 dhjetor, duke i lënë ato të prishen brenda natës./Opinion.al
