Një 28-vjeçar shqiptar mësohet të ketë humbur jetën si pasojë e një aksidenti në punë në Bari të Italisë. Mediat italiane kanë bërë të ditur se ka humbur jetën 28-vjeçari Kreshnik Gockaj, i cili punonte në një kompani betoni.
Sipas të dhënave gjatë momenteve kur Gockaj po punonte është shtypur nga një prej makinerive.
Ndonëse ambulanca dhe zjarrëfikësit mbërritën shpejt në vendngjarje për t’i dhënë ndihmën e parë, i riu shqiptar kishte ndërruar jetë.
Shkaqet e këtij aksidenti ende janë të paqarta, ndërkohë që policia në Itali ka nisur hetimet për të zbardhur ngjarjen./Opinion.al/
