Një akt i rëndë u shënua në një qendër për pritjen e azilantëve në Gjermani. Refugjati sirian ka hedhur nga dritarja 3 fëmijët e tij. Mediat vendase thonë se ai është vënë në pranga pas një telefonate që mori nga qendra në Lohmar, në perëndim të Gjermanisë.
Fëmijët e moshës 1, 5 dhe 7 vjeç janë plagosur rëndë. Sipas “Daily Mail” të plagosur rëndë janë djali 5-vjeçar dhe motra e tij 7 vjeç. Babai 35-vjeçar nga Siria është arrestuar në vendin e ngjarjes. Ende nuk dihen shkaqet që e çuan atë drejt këtij krimi të rëndë.
