Dashi – Nëse po ndiheni pak si fëmijë që ka humbur rrugën, vijoni në drejtimin që keni marrë. Teksa dita do të vijojë, gjërat do të bëhen më të qarta e do të ndiheni më me vetëbesim për drejtimin e duhur. Sot nuk është me mend që të eksperimentoni. Shpenzojeni kohën duke u marrë me rutinën e përdishme dhe evitoni debatet.
Demi – Nëse ata që ju rrethojnë reagojnë për një situatë eksplozive, sot gjëja më e keqe që mund të bëni është që të ndiqni shembullin e tyre. Të ulëriturit dikujt që është treguar jo i sjellshëm dhe arrogant nuk do ta largojë stresin, vetëm do ta shtojë. Tregohuni të mençur në bisedat që bëni dhe pretendoni respekt reciprok.
Binjakët – Vetëm sepse nuk jeni dakord me dike nuk do të thotë se nuk mund të shkoni mirë. Në fakt ata mund të rezultojnë miq tepër të mirë. Nëse zgjidhni për të qenë mik me njerëz njësoj si ju, gjërat do të bëheshin të mërzitshme. Ulje – ngritjet në një marrëdhënie krijojnë mundësi intelektuale dhe shumë debate interesante.
Gaforrja – Diçka që prisnit prej kohësh do të trokasë sot në derën tuaj. Ndoshta nuk do të përmbushë pritshmëritë që kishit, por është ajo që ju duhet momentalisht. Një zgjedhje e vështirë që keni bërë sëfundmi do të tregojë rezultatet e para dhe shumë shpejt do të shijoni ftytet e saj.
Luani – Njerëzit i duan shumë ata që i bëjnë të ndihen mirë për veten dhe momentalisht ju keni aftësinë për t’i dhuruar të tjerëve buzëqeshje pa u lodhur. Lëreni ngrohtësinë që ju karakterizon që t’ju drejtojë në çdo situatë dhe jepini njerëzve mbështetje.
Virgjëresha – Momenti për të kapur një mundësi tepër të mirë duket sikur është ngadalësuar, por kjo nuk do të thotë se po venitet. Mos mendoni më të keqen në çdo situatë, madje duhet të bëni të kundërtën. Mundësitë janë që gjërat mund të kenë ndalur në vend për arsye që nuk kanë të bëjnë me ju personalisht.
Peshorja – Nëse sot dë të ndiheni të bllokuar dhe jo aq produktiv sa zakonisht më e mira që mund të bëni është që të dilni, të bëni një shëtitje të gjatë. Kjo do t’ju ndihmojë për të kthjelluar mendjen. Largojeni presionin dhe stresin e akumuar e më pas pse jo takoni edhe ndonjë mik për të ndarë mendimet.
Akrepi – Kur dikush të shprehë vlerësimin për ju sot, tregohuni mirënjohës, por edhe i përulur. Krenaria juaj është e fuqishme dhe mund të kthehet fare lehtë në arrogancë, sidomos me ata që nuk ju njohin mirë. Çfarë mendojnë këta njërez është e rëndësishme dhe fatkeqësisht është e rëndësishme që të menaxhoni mënyrën sesi e prezantoni veten. Duhet të tregoheni më të kujdesshëm për reputacionin që krijoni tek të tjerët.
Shigjetari – Ajri rreth e rrotull do të jetë disi i tensionuar ndaj bëni mirë që të mos largoheni nëse kishit në plan ndonjë udhëtim, ashtu sikurse nuk është e këshillueshme që të firmosni dokumente apo të bëni depozita bankare. Por mos u shqetësoni, shumë shpejt do të merrni informacionin e duhur dhe madje do të bëni edhe para.
Bricjapi – Nëse mendoni se partneri i ri i një personi që keni pranë nuk është për të do të keni tendencën për ta thënë hapur opinionin tuaj. Por ky është një territor i rrezikshëm dhe do të bënit mirë t’i lini gjërat të rrjedhin vetë. Duke futur hundët në jetën sentimentale të të tjerëve rrezikoni që t’i largoni nga vetja. Koha do të tregojë nëse kishit ose jo të drejtë.
Ujori – Merruni me gjëra që kërkojnë krijimtari sot. Nuk ka rëndësi se çfarë dëshironi sa kohë për t’ia arritur qëllimit përdorni dashurinë dhe fantazinë. Sigurisht nuk mund të pretendoni që gjërat të ndodhin brenda natës, por të paktën kurdo të vijë dita do të jenë produkt i juaji.
Peshqit – Një mendje e shëndoshë lidhet ngushtë me një trup të shëndoshë. Ndaj nëse do të ndiheni disi të rënë moralisht është mirë që të bëheni aktivë. Merrini gjërat më pozitivisht dhe me shpresë. Takoni miq, dilni për pazar, zbavituni./tvklan.al
