Dashi
Kjo e hënë nuk do të jetë dita juaj më e mirë. Nuk do të ndiheni të qetë dhe do përballeni vazhdimisht me luhatje humori. Megjithatë do të arrini të keni ide të reja për t’iu afruar sa më shumë qëllimit tuaj profesional. Nuk rekomandohet të ndërmerrni hapa të rëndësishëm në jetën personale.
Demi
Do të keni dëshirë të kryeni aktivitete të ndryshme gjatë ditës së sotme. Do të jeni plot energji, por nuk rekomandohet të bëheni pjesë e sporteve të rrezikshme. Mos u nxitoni teksa punoni, pasi një gabim mund t’ju kushtojë shumë në vendin e punës.
Binjakët
Të lindurit e kësaj shenje ka gjasa të kenë mosmarrëveshje me kolegët. Ruani qetësinë nëse dikush del kundër opinionit tuaj. Megjithatë, çdo problem mund të zgjidhet më shpejt seç mund ta kishit menduar. Ka gjasa të hasni vështirësi financiare këtë të hënë. Ata që ëndërrojnë dashurinë e vërtetë duhet t’i besojnë intuitës.
Gaforrja
Ekziston mundësia të gjeni një burim të ri të të ardhurave. Ndoshta disa miq të vjetër mund t’ju ofrojnë një vend të ri pune ose mund të zbuloni ide sesi të përfitoni nga pasioni juaj. Ata që kanë nisur një kapitull të ri në jetën sentimentale duhet të përpiqen të mos bëhen preh e xhelozisë.
Luani
Disa Luanë do të mendojnë sot se gjërat nuk janë ashtu siç duken. Kjo do të sjellë vështirësi në komunikim me miqtë e ngushtë dhe kolegët. Mos u përpiqni të gjeni gabimet tek partneri/partnerja juaj, pasi mund t’ju çojë drejt një konflikti të madh.
Virgjëresha
Ekziston mundësia të humbisni një shans për të përfituar në aspektin profesional. Bëni të pamundurën për ta shmangur një gjë të tillë, pasi bëhet fjalë për një mundësi mjaft të rrallë. Në mbrëmje do të jetë momenti i duhur për të zhvilluar një bisedë të rëndësishme me partnerin/partneren tuaj.
Peshorja
Peshoret pritet të kalojnë një ditë të qetë dhe asgjë nuk parashikohet të prishë ekuilibrin tuaj emocional. Sa i përket anës profesionale, rekomandohet të punoni sa më shumë për të arritur atë çfarë keni planifikuar. Bëni mirë t’i kushtoni më shumë rëndësi kursimeve.
Akrepi
Duhet t’i dedikoheni më shumë shtëpisë dhe marrëdhënieve me familjarët. Ekziston mundësia që për shkak të problemeve në familje, të qëndroni në shtëpi. Mendohuni mirë paraprakisht sesi ta kaloni ditën, në mënyrë që të mos ndiheni të lodhur më pas psikologjikisht.
Shigjetari
Mos i jepni direktiva të tjerëve gjatë kësaj të hëne. Ka gjasa që teksa jepni urdhra, diçka të mos shkojë ashtu siç duhet duke vënë në rrezik reputacionin tuaj në punë. Shmangni bisedat e detajuara me persona që nuk i njihni mirë.
Bricjapi
Mund ta gjeni veten në një situatë mjaft të çuditshme. Ka gjasa që kjo të ndodhë gjatë punës duke iu vënë në vështirësi me drejtuesit tuaj. Ruani cilësinë në punë dhe integritetin. Sa i përket lidhjes suaj të dashurisë, do të gjeni qetësinë pranë partnerit/partneres suaj.
Ujori
Keni të gjitha shanset për të pasur një ditë të frytshme. Do të ndiheni optimist dhe planet do të ecin ashtu sikurse i kishit menduar. Beqarët e kësaj shenje ka gjasa të nisin një marrëdhënie të re dashurie. Ndërsa ata që janë në një lidhje rekomandohet t’i përkushtohen më shumë partnerit/partneres apo familjes.
Peshqit
Merrni parasysh këshillat e miqve të ngushtë dhe bisedoni hapur me ta. Kushtojini rëndësi edhe detyrave tuaja në shtëpi. Sa i përket anës financiare, nuk do të ketë ndryshime tek të ardhurat tuaja. Mund të takoni dike që nuk e keni parë qëkur ishit fëmijë./ Opinion.al E.Xh.
