Dashi – Do të zhvilloni takime mjaft interesante sot, që lidhen me aspektin profesional. Shfrytëzoni çdo njohje të re që mund t’ju shërbejë në të ardhmen. Për disa ditë do të merrni lajme të mira, edhe në çështje që kanë të bëjnë me financat.
Demi – Rrethi i madh shoqëror dhe mbrëmjet e shumta jashtë kanë bërë që të tejmbusheni me emra e informacione për të tjerët, e që në vetvete nuk ju duhen. Sot merruni pak më shumë me veten dhe pushoni, pasi energjitë po ju shterojnë.
Binjakët – Mprehtësia që ju karakterizon bën që të kapni gjithçka me lehtësi dhe të që jeni të suksesshëm. Kjo do të sjellë padyshim të ardhura dhe vlerësim në punë. Mos e lini jetën sentimentale pas dore.
Gaforrja – Do të ndiheni të fortë, të motivuar dhe plot fokus. Keni punuar fort për këtë ditë dhe nuk do të lejoni askënd t’ju pengojë. Megjithatë, marrëdhënia me të tjerët do të jetë e ngrohtë. Ata që janë vetëm do të kenë njohje interesante.
Luani – Papritur zhvillime të reja që lidhen me familjen do të kenë ndikim në të ardhmen, nëse i shfrytëzoni siç duhet. Raste të tilla nuk duhen humbur ndaj mos nguroni për të shqyrtuar çdo mundësi, apo për të takuar njerëz të rëndësishëm.
Virgjëresha – Do t’ju duhet të dilni pak më herët nga puna sot, nëse doni që të mbaroni disa gjëra të lëna pezull. Telefonatat e shumta do t’ju mbajnë të zënë, ashtu sikurse punët nëpër shtëpi. Ndonëse e gjitha dita do të jetë e ngarkuar, mbrëmja do ta kompensojë, pasi do të jetë mjaft interesante.
Peshorja – Një detyrë që ju është dhënë kërkon që të shkruani pamasë, e kjo do t’ju ingranojë për të zbuluar talente që nuk e dinit se i kishit. Aftësia për të përballuar dhe tejkaluar me sukses çdo punë që ju jepet do të bëjë që edhe të tjerët të kenë besim në aftësitë tuaja, e madje t’ju kërkojnë edhe ndihmë.
Akrepi – Do t’ju vijnë njerëz të rinj në punë që do të ndryshojnë rrjedhën e ditës. Mos i prisni me këmbë të parë, jo të gjithë janë armiq. Largojeni stresin e ditës duke takuar miq gjatë pasdites, megjithatë evitoni biseda që lidhen me punën.
Shigjetari – Sot një mik i vjetër do t’ju suprizojë. Kishit kohë pa u takuar dhe padyshim që do të keni shumë për të biseduar gjithashtu. Mbrëmjen shfrytëzojeni për t’u shplodhur, pse jo duke parë një film.
Bricjapi – Nuk është e lehtë të jesh i drejtpërdrejtë. Shpesh dikush mund të lëndohet e dikush tjetër mund t’ju marrë inatë. Peshoni mirë pozitat në të cilat jeni dhe sa përfitoni nga e vërteta që thoni.
Ujori – Nëse dëshironi të bëni dikë për vete, mjafton të tregoni interes dhe të jeni vetvetja. Personaliteti sa i brishtë aq edhe rrebel që ju karakterizon bën që të tjerët të kenë tërheqje të madhe. Në punë përpiquni që të mos lini gjithçka për në moment të fundit.
Peshqit – Mund ta gjeni veten duke planifikuar një udhëtim, megjithatë planet kanë ende nevojë për konfirmim. Sot futjuni punës dhe zgjidhni çështjet e mbetura pezull, në mënyrë që të mund të shijoni disa ditë larg stresit dhe ambientit që ju rrethon./tvklan.al
