Politikë

Holanda votoi për pezullimin e vizave, Lleshaj: Do vijë një delegacion


               Publikuar në : 22:22 - 19/04/19 |
Opi Nion

Ministri i Brendshëm Sandër Lleshaj ka folur në lidhje për votimin e parlamentit holandez  për pezullimin e vizave me Shqipërinë për shkak të rritjes së kriminalitetit.

Lleshaj i ftuar në “Report Tv” tha se shifra e kriminalitetit shqiptar në Holandë është me vogël në krahasim me vendet e tjera dhe se votimi i parlamentit nuk është i njëjtë me qendrimin qeverisë së Holandës.

Sipas tij ky vendim vjen për shkak të promovimit të keq ndaj Shqipërisë.

Lleshaj tha gjithashtu se shumë shpejt në Tiranën do të vijë një delegacion holandez, ku do të diskutohet në lidhje pjesëmarrjen e shqiptarëve në veprimtari kriminale në Holandë si dhe për votimin e parlamentit për pezullimin e vizave ndaj Shqiptarëve.

“Ajo që ka ndodhur në parlamentin e Holandës del jashtë gjykimit të vetë qeverisë së Holandës e cila nuk e konsideron problem të madh. Kam të drejtën e plotë t’i bashkangjitem qëndrimit të ministrit përgjegjës për sigurinë në Holandë.

Shqiptarët nuk përbëjnë asnjë problem dramatik. Kam ndjekur një histeri reagimesh a thua se ne e shkatërruam Holandën dhe të bëjmë vetëvrasje këtu. Shqiptarët janë të pranishëm edhe në skemën kriminale atje, si shumë kombe të tjera. Shqiptarët përbëjnë 0/19 %, duke lënë pas polakë, marokenë…

Vendimi i parlamentit nuk ka lidhje me realitetin objektiv në terren. Ka lidhje me perceptimin, janë dy gjëra, realiteti dhe perceptimi. Për një imazh të keq të shqiptarëve atje, po luajnë rol shumë aktorë, në radhë të parë ne që promovojmë një imazh të keq për Shqipërinë, një aktor i tretë i rëndësishëm janë qarqet populiste, nacionaliste, që ndjejnë një farë rizgjimi në Eevropë”, tha ministri Lleshaj./ Opinion.al E.Xh.

Pas