Një tjetër vend ka pezulluar përdorimin e vaksinës AstraZeneca kundër koronavirusit. Holanda është bërë vendi i fundit që ka pezulluar përdorimin e vaksinës për shqetësimet në lidhje me efektet e mundshme anësore, raporton BBC.
Qeveria Holandeze tha se masa, e cila do të zgjasë të paktën deri më 29 Mars, është një masë paraprake.
Republika e Irlandës më parë mori një vendim të ngjashëm pas raportimeve se të vaksinuarit në Norvegji kanë pasur mpiksje gjaku.
Por Organizata Botërore e Shëndetësisë thotë se nuk ka asnjë tregues të një lidhje midis vaksinës dhe rrezikut për mpiksje gjaku.
Agjencia Evropiane e Barnave (EMA), e cila aktualisht po kryen një rishikim të incidenteve të mpiksjes së gjakut thotë se përfitimet e vaksinës vazhdojnë të tejkalojnë rreziqet e saj.
Ndërkohë edhe vende si Danimarka, Norvegjia, Bullgaria, Islanda dhe Tajlanda kanë pezulluar përdorimin e vaksinës AstraZeneca kundër koronavirusit./Opinion.al
