Gjykata e Shkallës së Parë në Shkodër ka vendosur masën e sigurisë ‘Arrest me burg’ për Orjana Gremin, e cila hodhi në lumin Kir foshnjën e saj para disa ditësh.
Në seancën gjyqësore, 32-vjeçarja nuk ka folur, ndërsa avokatja e saj kërkoi ndryshimin e veprës penale nga vrasje në rrethana të tjera cilësuese, në vrasje e të miturve.
Kërkesa u refuzua nga gjykatësi, i cili la në fuqi kërkesën e prokurorisë dhe cilësimin e veprës penale.
Pritet që 32-vjeçarja t’i nënshtrohet një ekspertimi psikologjik, për të kuptuar më tepër mbi gjendjen e saj.
KOMENTO (0)
