LEZHË- Një 17 vjeçare është përdhunuar nga tre të rinj nga Lezha dhe më pas është mbajtur e izoluar me qëllim për t’u trafikuar në Kosovë. Historia e trishtë e të resë është bërë publike pasi policia arrestoi njërin prej agresorë.
Krenar Shabani , 33 vjeç, banues në Lezhë ka rënë në pranga, bën të ditur policia dhe është shpallur në kërkim E.K. 26 vjeç, banues në Lezhë.
Ata kanë kryer marrëdhënie seksuale me dhunë me 17 vjeçaren me iniciale V.J. 17 vjeç, banuese në Lezhë. Më pas e kanë dërguar në një banesë në Institutin Bujqësor të Tiranës, tek një shtetase e njohur e tyre me qëllim trafikimin të nesërmen në Kosovë.
Minorenja ka arritur t’u shpëtojë tutorëve dhe të padisë personat që e përdhunuan dhe tentuan ta trafikojnë.
