TIRANË- Vendosja e një pllakate me mbishkrime në turqisht, në kalanë e Lezhës është trajtuar në emisionin “Opinion” të ditës së martë. Historiani Pal Trashaj duke folur në emisionin me temë “Antiosmanizëm apo islamofobi”, u shpreh se pllakata për sulltanin Sulejman s’ka vend në kalanë ilire.
“Nuk duhet që në hyrje të kalasë ilire të vendoset një pllakakë e tillë. Pllakata ka qenë në kala në periudhën para vitit 1915 më pas është hequr. Nga ky vit deri në vitin 1970 ka qenë në një ndërtesë private, e murosor. Me vonë studieusi Frano Prendi e ka marrë dhe e ka vendosur në muzeun e Lezhes”, u shpreh ai. Ndërsa sugjeroi se pllakata mund të jetë brenda në kala por jo në hyrje të saj.
