Personi që shihni në foto është Naum Toshi. Personi që kreu një krim makabër duke tronditur jo vetëm familjen e tij por mbarë shoqërinë. Ai mbyti me tel teksa po flinin dy fëmijë të mitur 4 dhe 6 vjeç, njëri prej tyre fëmija e tij dhe tjetri i gruas (nga martesa e parë).
I gruas për të cilën duket se ai kishte kaluar në skizofreni, duke u hakmarrë në mënyrën më makabre të mundshme.
Ngjarja u mësua në orët e para të mëngjesit kur babai i moshuar i 41 vjeçarit gjeti një letër në derë ku shkruhej: “Ngjitu lart!”. Kjo letër ishte lënë prej Naum Toshit i cili pasi vrau barbarisht fëmijët, vari veten në litar.
Babai i moshuar është i pari që ka parë horrorin dhe më pas ka njoftuar policinë dhe të afërmit.
Policia gjeti dy trupat e pajetë të engjëjve që shihni në foto në dhomën e gjumit aty ky babai monster u kishte marrë frymën me tel.
Fqinjët dhe familjarët tregojnë se Naumi kishte probleme me gruan, Marselën, 17 vite më e re. Çifti kishte jetuar në emigracion dhe vitet e fundit ishin kthyer, por pa gjetur asnjëherë qetësinë.
Marsela 24 vjeç, që shihni në foto, kishte filluar punë si kamariere në lokal nate, fakt që kishte tërbuar edhe më shumë Naumin. Siç tregon motra e autorit, Lindita Golka, Marsela para dy javësh ishte larguar nga shtëpia dhe 41 vjeçari jetonte vetëm me dy fëmijët e mitur. Ndërsa fqinjët thonë se mbrëmjen e djeshme Marsela ishte kthyer në shtëpi dhe kishte debatuar me të shoqin për kujdestarinë e fëmijëve. Pas mesnate, rreth orës 02:00 ajo kishte ikur sërish nga shtëpia.
Më pas në orët e para të ditës së sotme i gjendur vetëm me fëmijët në banesë, 41 vjeçari ka kryer krimin monstruoz në shenjë hakmarrje ndaj gruas.
“Do të bëj një gjë!” ishte shprehur së fundmi tek fqinjët, por askush nuk e kishte marrë seriozisht deklaratën e tij. Donte që Marsela të vuante më shumë se ai…dhe kësisoj u mori jetën dy fëmijëve të pafajshëm.
