Avokati gay hiqet sikur është babai i fëmijës së lindur nga gruaja false……
Një histori e pazakontë ka ndodhur në Italinë fqinje, ku personazhe tashmë në duart e policisë janë një avokat gay, bashkëjetuesi i tij shqiptar, vëllai i bashkëjetuesit me avokatin, e fejuara e tij dhe një i sapolindur.
Sikundër mësohet avokati gay i ka premtuar 70 mijë euro të fejuarës shtatzënë së vëllait të bashkëjetuesit të tij, me qëllim që ata ti jepnin fëmijën e tyre të sapolindur. Por i gjithë pazari duket se është prishur në momentin kur avokati u ka dhënë çiftit vetëm 5 mijë euro. Për këtë arsye gruaja është paraqitur në kuesturë ku edhe ka bërë denoncimin çka ka çuar në hapjen e një hetimi ku tashmë personat do të përgjigjen para ligjit për ndryshimin e atësisë së fëmijës.
Ja çfarë shkruajnë mediat italiane për këtë rast:
Një avokat gay është hequr sikur ishte babai natyral i një fëmije të lindur nga një nënë shqiptare. Avokati gay bashkëjetonte me një shok shqiptar prej vitesh. Një ditë atij i lindi idea që të sillte nga Shqipëria të fejuarën e vëllait të bashkëjetuesit të tij, e cila ishte shtatzënë, për të pasur atësinë e të sapolindurit. Gruas i ishin premtuar 70 mijë euro. Por gjithcka u prish pasi gruaja nuk përfitoi shumën e rënë dakord.
Tashmë i sapolinduri ndodhet në një komunitet foshnjash i mbrojtur dhe ribesuar nënës biologjike.
Për të lajmëruar policinë dhe për të filluar hetimet të Digos, u desh një sinjalizim konfidencial mbi martesën e avokatit, që ndante jetën prej vitesh me të fejuarin e tij shqiptar. E njëjta grua, saktëson e përditshmja, u paraqit në kuesturë me të fejuarin e vërtetë, duke konfirmuar që në këmbim të fëmijës, i ishin premtuar 70 mijë euro, por kishte marrë vetëm 5 mijë të tilla.
Shpejt të dyshuarit u vunë përballë deklarimeve të mjekëve që kishin ndjekur gruan, që vetëm pak kohë pasi kishte kryer kontrollet thuhet ishte kthyer në vendin e saj të origjinës bashkë me të fejuarin e saj, vëllain bashkëjetues me avokatin.Po kështu mësohet se të dy shokët kishin postuar në profilin e tyre në fb edhe foto të ndryshme me të sapolindurin, pa të ëmën.
Në një farë mënyrë avokati kishte mundësuar futjen në Itali të prindërve natyralë të fëmijës, por bashkëjetesa e sforcuar në një apartament të vetëm të dy çifteve kishte shpërthyer në zënka, duke e çuar të renë shqiptare tja mbathte bashkë met fejiuarin e saj dhe ti tregonte gjithcka policisë
Pas kryerjes së testit të ADN-së fëmija ju rikthye menjëherë të ëmës dhe tashmë të dy ndodhen në një qendër të mbrojtuar. / Përshtati për Opinion.al Dritan Laci
