Një film me një temë të tillë do të dështonte në kinema sepse nuk do të ishte i besueshëm, por kjo histori është e vërtetë. A keni dëgjuar ndonjëherë të flitet për Alieu Darbo? Ndoshta jo. Megjithatë në verën e 2014-ës ka bërë një provë për Crotone-n, klubi që tani luan në Serie A dhe që i ka dorëzuar atij fanellën me numrin 10. Por pas ditë pas lajmërimit për transferimin e tij në Kalabri, në mënyrë të pashpjegueshme, Alieu ka kaluar te Landskrona Bols, ekip i kategorisë së dytë në Suedi. Tani është zbuluar edhe misteri. Darbo nuk ishte një futbollist, por një mashtrues.
Duhet të jetë e qartë se Crotone është vetëm një nga klubet e shumtë që Alieu ka mashtruar ose ka provuar të mashtrojë. Dy vite më parë Alieu dhe menaxheri i tij janë takuar me drejtorin sportiv të PAOK-ut Zisis Vryzas (ish-sulmues i Fiorentina-s, perugia-s dhe Torino-s), duke i dhënë një letër nga kolegu i tij Zorc, drejtor sportiv i Borussia Dortmund, që garantonte se, pas një viti në Greqi. Klubi gjerman do ta blinte për 4 milionë euro. Metoda e verpimit ishte gjithmonë e njëjta: në letër kërkohej që lojtari t’i mos i nënshtrohej asnjë testi për të mos e ofenduar, duke parë se ishte një talent i madh. Por Vryzas ka dyshuar dhe i ka telefonuar Zorc, i cili ka mohuar të kishte lidhje me djaloshin. Në atë pikë, Vryzas, në bazë të rrëfimit të bërë në “Aftonbladet”, ka shkuar bashkë më një grup ultras të PAOK-ut në hotelin ku qëndronte Alieu dhe i ka kërkuar atij të largohej menjëherë nga qyteti.
Duke parafrazuar Jules Verne, Alieu ka bërë xhiron e botës në 80 kontrata. Përveç Crotone-s dhe PAOK-ut, ai ka kontaktuar edhe Dinamon e Zagrebit, duke i bindur këta të fundit ta federojnë. Sipas rrëfimit, klubi korat, pasi ka kuptuar se Darbo nuk kishte asnjë cilësi si futbollist, ka vendosur ta prishë kontratën pas katër muajsh nga blerja, duke i ofruar 40 mijë euro me kusht që të mos e përfshinte emrin e skuadrës në CV. Më pas duket se Alieu është transferuar në Norvegji te Nybersgund, në Egjipt, Algjeri dhe Maltë. Kudo ka gjetur klube gati për t’i dhënë një mundësi, duke i besuar CV-së së tij perfekte. Etapa e fundit rezulton të ketë qenë Naxxar Lions FC, skuadër e kategorisë së dytë në Maltë. Por aty ka qëndruar vetëm një muaj para se të shkarkohej përsëri. Pierre Sciberras, president i klubit, ka thënë se nuk e di se ku mund të ndodhet Alieu tani: “Di se donte të shkonte në Qipro”, ka thënë ai.
