Në Mars të vitit 2001, Marian Rroku, në atë kohë oficer i SHIK-ut, qëlloi me armën e punës nënë e bijë, në afërsi të pallatit të sportit Asllan Rusi.
Ngjarja tronditi rëndë opinionin publik në atë kohë për nga mënyra e ekzekutimit dhe numri i viktimave, për më tepër që vrasësi ishte person me pushtet profesional.
Në atë kohë u fol për një raport intim mes Marianit dhe Aldës, ndërsa keqtrajtimi, xhelozia dhe përndjekja u folën si arsyet që 16-vjeçarja kishte shkëputur marrëdhëniet sentimentale me ish-punonjësin e ShIK-ut. Mediat e asaj kohe thanë se Rroku nuk e ka pranuar dot këtë ndarje dhe pas shumë tentativash të dështuara për t’u rikthyer ka ekzekutuar gjimnazisten Alda Canaj bashkë me nënën e saj mbrëmjen e 29 marsit të 15 viteve më parë.
