Me një shumë të konsiderueshme borxhesh ndaj FSHF-së dhe në një krizë të thellë financiare, Ada është duke përjetuar një prej sezoneve më të vështira
Presidenti i skuadrës, Alfred Pjetri, i ka bërë thirrje disa herë Bashkisë së Shkodrës dhe biznesmenëve të ndryshëm, që kanë dëshirë të ndihmojnë skuadrën, të afrohen.
Por, deri tani, nuk ka ndodhur një gjë e tillë. Madje, velipojakët rrezikonin pjesëmarrjen në kampionat për pjesën e dytë të sezonit, pasi një ditë përpara ndeshjes së të shtunës, nuk kishin shlyer ende detyrimet.
Siç lajmëron faqja zyrtare e skuadrës në internet, vetëm paraditen e ndeshjes është bërë e mundur shlyerja e borxhit në FSHF. Por, tashmë skuadra kishte nevojë për… naftë. Drejtuesit nuk kanë pasur mundësi të sigurojnë udhëtimin drejt Krujës për të luajtur.
Burime të sigurta brenda ekipit velipojak kanë bërë të ditur se ka qenë vetë trajneri, Ilir Dibra, që mban edhe rolin e drejtorit teknik, i cili ka paguar furgonin për skuadrën që të udhëtojnë drejt Krujës.
Dibra ka vënë dorën në zemër dhe ka shpenzuar nga xhepi i tij për të mos i shkaktuar Adës një humbje të garantuar në tavolinë.
Nuk është hera e parë që në futbollin shqiptar ndodhin ngjarje të tilla. Kjo, pasi klubet janë në krizë të thellë financiare dhe e kanë shumë të vështirë përballimin normal të një kampionati.
Ada prej disa sezonesh është në një situatë të vështirë dhe lufton gjithmonë për mbijetesë. Aktualisht, është në vendet e fundit në renditje dhe do t’i duhet shumë “luftë” që të arrijë t’i shpëtojë rënies. Velipojakët i luajnë ndeshjet e shtëpisë në fushën sportive në Shkodër, “Reshit Rusi”.
Dibra ka vënë dorën në zemër dhe ka shpenzuar nga xhepi i tij për të mos i shkaktuar Adës një humbje të garantuar në tavolinë.
Nuk është hera e parë që në futbollin shqiptar ndodhin ngjarje të tilla. Kjo, pasi klubet janë në krizë të thellë financiare dhe e kanë shumë të vështirë përballimin normal të një kampionati.
Ada prej disa sezonesh është në një situatë të vështirë dhe lufton gjithmonë për mbijetesë. Aktualisht, është në vendet e fundit në renditje dhe do t’i duhet shumë “luftë” që të arrijë t’i shpëtojë rënies. Velipojakët i luajnë ndeshjet e shtëpisë në fushën sportive në Shkodër, “Reshit Rusi”.
