Bota

Hiqet ndarja e grave nga burrat në restorante në Arabinë Saudite


Bëhu pjesë e Grupit Zyrtar të Opinion.al
>> KËTU <<
               Publikuar në : 08:47 - 09/12/19 |
Al Do

Arabia Saudite ka ndërmarrë një tjetër reformë sociale që lidhet me të drejtat e grave. Mësohet se ndarja e grave nga burrat në restorante nuk do të ekzistojë më.

Deri tani grave beqare në Arabinë Saudite u kërkohej të përdornin hyrje të veçanta në restorante në mënyrë që të mos dukeshin nga burrat beqarë.

Arabia Saudite njihet si një vend shumë konservator në lidhje me të drejtat e grave dhe ata e justifikojnë këtë me parimet fetare por në vende të tjera me shumicë myslimane gratë nuk kanë kufizime të tilla.

Megjithatë Princi i Kurorës Saudite, Mohammed bin Salman është përpjekur të lehtësuar rregullat e rrepta që kanë qenë në fuqi në të gjithë mbretërinë për dekada të tëra.

Ai po përpiqet ti zvogëlojë fuqitë policisë fetare të mbretërisë ndërsa në vitin 2017 grave iu lejua hyrja në stadiume sportive në seksione të përcaktuara familjare, ndërsa një vit më vonë iu dha edhe e drejta e drejtimit të makinës.

Në muajin gusht u hoq një ndalesë e mëtejshme për të lejuar gratë të aplikonin për një pasaportë dhe të udhëtonin pa marrë më parë lejen e kujdestarit të tyre mashkull.

Pavarësisht këtyre reformave, të drejtat e grave janë gjerësisht të shtypura në Arabinë Saudite dhe ndarja e tyre me burrat mbetet akoma dominuese në jetën shoqërore. Ata vazhdojnë ende të mbahen të ndarë edhe nëpër dasma. /Opinion.al

Pas