Gjatë natës janë hequr germat e Teatrit Kombëtar. Faktin fillimisht e denoncoi aktori Neritan Licaj nëpërmjet një postimi në Facebook, ndërsa më pas kanë ardhur edhe reagimet e politikanëve.
PD ka reaguar përmes ish-deputetes Albana Vokshi, e cila shkruan se Teatri Kombëtar do të mbrohet me çdo kusht e me çdo mjet.
“Në orët e vona të natës, si skuth, Rama urdhëroi heqjen vjedhurazi, të gërmave të Teatrit Kombëtar, për të na kujtuar që nuk ka hequr dorë nga shembja djallëzore e ndërtesës historike. Rama po vjedh pronën publike, trashëgiminë kulturore, historinë e qytetit për të pastruar me kulla betoni qindra miliona euro nga korrupsioni. Le ta provojë! Teatrin Kombëtar do ta mbrojmë me cdo mjet e me cdo kosto!”, shkruan Vokshi.
Petrit Vasili i LSI-së i ka quajtur batakçinj dhe hajdutë germash. “Batakçinjtë e qeverisë vjedhin germat e Teatrit. Batakçinjte e qeverisë vjedhin natën, si hajna të vërtetë, germat e ndërtesës së Teatrit Kombëtar”, ka shkruar ai./Opinion.al
