Një 19-vjeçare ka gjetur vdekjen në orët e para të mëngjesit të sotëm, pasi është hedhur nga pallati. Ngjarja ka ndodhur në lagjen “Apollonia” të qytetit të Fierit rreth orës 02:10.
Policia sqaron se “19-vjeçarja Safete Bega nga Perondai e Kuçovës dyshohet se është hedhur nga kati i 8-të i pallatit dhe ka gjetur vdekjen e menjëhershme”
“Aktualisht kjo shtetase bashkëjetonte me shtetasin Artur Çela 33 vjeç, banues në lagjen “Apollonia”, i cili u shoqërua në Komisariatin e Policisë Fier”, informon policia.
Në momentin e hedhjes nga pallati vajza ka qenë në një gjendje të rëndë psikologjike.
“Ajo vetëm qante nuk e kuptoja dot se çfarë kishte”, është shprehur bashkëjetuesi i saj para Policisë.
Po ashtu mësohet se çifti bashkëjetonte prej 1 vit e gjysmë dhe ka qenë një çift problematik dhe me precedent penal. Grupi hetimor po punon për zbardhjen e plotë të ngjarjes. /opinion.al
