Bota

Hetimi për përhapjen e koronavirusit përplas Australinë me Kinën


Bëhu pjesë e Grupit Zyrtar të Opinion.al
>> KËTU <<
               Publikuar në : 11:16 - 28/04/20 |
Al Do

Australia i ka kërkuar ambasadorit kinez të shpjegojë atë që e quante kërcënim të “shtrëngimit ekonomik” në përgjigje të presionit të qeverisë australiane për një hetim ndërkombëtar mbi burimin dhe përhapjen e koronavirusit.

Ministri i Tregtisë, Simon Birmingham, tha që Australia ishte një “furnizues i rëndësishëm” i Kinës për importe kritike burimesh energjitike të cilat sipas saj ndihmuan një pjesë të madhe të rritjes të prodhimit të Kinës.

Thirrja e fundit e Australisë për një hetim ndërkombëtar për pandeminë e koronavirusit ka zemëruar Kinën, partnerin e saj më të madh tregtar.

Cheng Jingye, ambasadori i Pekinit në Australi, i tha një gazete lokale të hënën se konsumatorët kinezë mund të bojkotojnë mishin e viçit, verën, turizmin dhe universitetet Australiane si kundërpërgjigje.

Birmingham tha të martën se Cheng ishte thirrur nga sekretari i Departamentit të Punëve të Jashtme dhe Tregtisë për të shpjeguar komentet e tij.

“Australia nuk do të ndryshojë më pozicionin e saj politik për çështje të mëdha të shëndetit publik për shkak të kërcënimeve ekonomike por më shumë do të konsiderojë të ndryshojë pozicionin politik në çështjet e sigurisë kombëtare”, tha ai.

Ambasada kineze publikoi një përmbledhje të bisedës në faqen e saj të internetit, në të cilën thuhet se Cheng kishte “refuzuar me të drejtë shqetësimin e shprehur nga pala Australiane”.

Cheng tha gjithashtu se “nuk mund të fshihet fakti se propozimi është një manovrim politik,” sipas deklaratës.

Kina përbën 26% të tregtisë totale të Australisë, me vlerë rreth 235 miliardë dollarë në 2018/19 dhe është tregu më i madh për eksportet australiane si qymyri, xeherori, vera, viçi, turizmi dhe arsimi. /Opinion.al

Pas