Fotoja e qenit që kërkonte trupat e njerëzve në gërmadhat e shtëpive të shembura nga tërmeti bëri jehonë në rrjetet sociale.
Qeni në fjalë është pjesë e ekipit special të trajnuar nga Ushtria e Kosovës. Ai është stërvitur që të identifikojë trupat e njerëzve në rastet e fatkeqësive natyrore.
Deri tani falë tij janë gjetur të paktën 3 trupa nën rrënoja. Mësohet se pa ndihmesën e këtyre qenëve të trajnuar, gjetja e personave nën gërmadha do të kishte qenë shumë e vështirë.
Ndërkohë nga Kosova janë dërguar edhe 100 operatorëve tjerë të njësiteve të specializuara, të cilët do të jenë në shërbim të autoriteteve të kërkim-shpëtimit të banorëve që dyshohet se kanë mbetur nën gërmadhat e objekteve të rrënuara.
Nga dita e djeshme trupat e specializuara nga Kosova kanë qenë tepër të rëndësishme në operacionet e shpëtimit të personave të bllokuar nga tërmeti. Ato kanë sjellë pajisje të posaçme për raste të tilla të cilat i mungonin forcave të emergjencës në Shqipëri. Kryeministri në detyrë i Kosovës, Ramush Haradinaj, pas mbledhjes së jashtëzakonshme të Qeverisë deklaroi se Shqipërisë do t’i jepet një ndihmë prej 500 mijë eurosh për dëmet e shkaktuara nga tërmeti. /Opinion.al
