Helmimi i dhjetëra nxënësve të gjimnazit “Janaq Kilica” ka shkaktuar kaos sot në Urgjencën e Fierit.
Deri në këto momente, në versionin zyrtar të dhënë nga policia dyshohet se në ambjentet e shkollës është hedhur spraj piperi nga një nxënës i kësaj shkolle. Megjithatë kreu i degës së Partisë Demokratike në Fier thotë se ngjarja po tentohet të fshihet dhe ai hedh një hipotezë tjetër se nga mund të jetë shkaktuar helmimi.
“Po është krim i papërgjegjshëm i gjithë institucioneve në Fier, një rast i përsëritur sepse atje para një jave pati një helmim masiv. Pati tentativa për ta fshehur ketë. Nuk e besoj variantin e policisë. Policia është e korruptuar dhe manipuluar. Herën e parë nuk nxorën asgjë, këtë herë thonë këtë. Unë di që para një jave ka pasur dezinfektim të shkollës. Këta po mundohen ta fshehin. Nuk e lidh ngjarjen me këtë, por është një prej varanteve të mundshme. U në jap mendimin dhe informacionin që më vjen. Kam kërkuar hetim nga prokuroria. Duan ta fshehin ngjarjen për të mos dalë e vërteta”, tha Luan Baçi në një prononcim për Neës24.
Një javë më parë, nxënës të po këtij gjimnazi në Fier shfaqën po të njëjtin problem por në numër më të vogël. Atëherë u tha se shkaku ishte një eksperiment në orën e kimisë. Por raportime të sotme në media thonë se edhe herën e parë në shkollë është hedhur e njëjta substancë që ka helmuar sot nxënësit. /Opinion.al
