Në një intervistë për emisionin “Opinion” në Tv Klan, gazetari Blendi Fevziu ka pyetur Monsignor Vincenzo Paglian në lidhje me përshtypjet e tij për politikanët shqiptarë.
Monsignor Paglia ka theksuar se ka pasur marrëdhënie të mira me të gjithë, por ka veçuar Gramoz Pashkon si politikanin që i ka bërë përshtypje për mirë në Shqipëri.
Gjatë fjalës së tij, Monsignor Paglia thotë se ka hasur vështirësi në gjetjen e një ekuilibri mes kryedemokrati Sali Berisha dhe Kryeministrit Edi Rama teksa thotë se ky i fundit di si të qëndrojë në lartësinë e situatës.
Blendi Fevziu: Ju keni njohur të gjithë liderët shqiptarë, duke filluar me Alinë, Berishën, di që keni pasur marrëdhënie të mira me Ramën, Fatos Nanon, Ilir Meta. E di që për një Imzot është e vështirë, por si do i përshkruanit liderët nga Alia, Berisha, Nano apo edhe Rama?
Monsignor Vincenzo Paglia: Unë kam pasur marrëdhënie të mira me të gjithë, secili ka atë veçantinë e vet. Sidomos Berisha dhe Rama, hasa vështirësi në gjetjen e një ekuilibri ndërmjet tyre. Më ka bërë përshtypje më mirë, Gramoz Pashko, më erdhi shumë keq kur vdiq.
Blendi Fevziu: E vërtetë, në fillimet e atyre viteve, ai premtonte shumë si drejtues, por nuk ia doli dot.
Monsignor Vincenzo Paglia: Ndërsa për mua tani, për mua, Rama është një poet, di të qëndrojë në lartësinë e situatës.
