Kronikë

Has/ 27-vjeçari plagoset me thikë nga vëllai, dhunonte nënën


Bëhu pjesë e Grupit Zyrtar të Opinion.al
>> KËTU <<
               Publikuar në : 09:43 - 21/04/21 |
Opi Nion

Një ngjarje e rëndë ka ndodhur në qytetin e Krumës. Një 27-vjeçar është plagosur me thikë nga vëllai i tij pasi dhunonte të ëmën. Sipas policisë sot, rreth orës 07:55, në spitalin e qytetit Krumë ka shkuar i plagosur me mjet prerës shtetasi S. H., rreth 27 vjeç. Fillimisht ai ka thënë se është vetëplagosur në banesën e tij. Por pas hetmeve ka rezultuar se shtetasi S. H. ishte plagosur me  thikë nga vëllai i tij, shtetasi R. H., pasi dhunonte të ëmën. Policia njofton se ka vënë në pranga autorin.

“Sot, rreth orës 07:55, në spitalin e qytetit Krumë ka shkuar i plagosur me mjet prerës shtetasi S. H., rreth 27 vjeç, banues në qytetin e Krumës.

Nga intervistimi paraprak shtetasi S. H. ka pohuar se ishte vetëplagosur në banesën e tij.

Menjëherë grupi hetimor ka filluar hetimet dhe ka rezultuar se shtetasi S. H. ishte plagosur me mjet prerës thikë nga vëllai i tij, shtetasi R. H., pasi dhunonte të ëmën.

Shërbimet e Policisë janë vënë në ndjekje të autorit. Falë veprimeve të shpejta dhe profesionale, në qytetin e Krumës, u bë e mundur kapja e autorit, shtetasit R. H., i cili shoqërohej së bashku me shtetasin G. B.

Gjatë kontrollit fizik, shtetasit G. B. iu gjet dhe sekuestrua mjeti prerës (thikë), me të cilin dyshohet se është plagosur 27-vjeçari.

Shtetasit R. H. dhe G. B. janë shoqëruar në Komisariatin e Policisë Has, për veprime të mëtejshme”, njofton policia./Opinion.al

Pas