Aktualitet

Harxhi: Anëtarë të PD s’kanë emrat në lista, votojnë ata që s’janë anëtarë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:53 - 13/06/21 |
Opi Nion

Edith Harxhi, kandidate në garën për kreun e PD-së, ka denoncuar disa probleme që janë shfaqur gjatë procesit të votimit të ditës së sotme. Në një prononcim për mediat ajo tha se është shqetësues fakti që një numër i konsiderueshëm  anëtarësh, kontribues në parti nuk e kanë emrin në listë.

Harxhi shtoi se një problem tjetër është se persona që nuk janë as anëtarë të PD-së dhe nuk kanë as kartë anëtarësie, janë lejuar të votojnë vetëm me karta identiteti.

“Një numër i konsiderueshëm anëtarësh që janë kontribues në parti, kanë qenë aktiv në zgjedhjet e fundit dhe themelues të PD nuk kanë votuar se nuk janë në lista. Ka të dhëna nga shumë qendra në vend që kanë probleme.  Një tjetër problem është edhe votimi i atyre që nuk kanë emrin në listë dhe nuk kanë kartë anëtarësie dhe po lejohen vetëm me karta identiteti. Ka pasur raste ku ka pasur votim familjar në Kavajë dhe Mat, kjo është e pa tolerueshme. Më shqetësuese për mua është mosvotimi i mijëra anëtarëve që nuk figurojnë në lista. Ky proces ka probleme të mëdha, por pavarësisht kësaj kërkoj që të gjithë anëtarët të dalin të votojnë masivisht”, tha Harxhi. 

Sakaq lidhur me fotografimin e votës dhe shpjegimin e dhënë nga kreu i Komisionit Zgjedhor të PD-së, Jemin Gjana, Harxhi tha se edhe në këtë rast bëhet fjalë për një shkelje pasi fletët e votimit nuk mund të dalin jashtë qendrave të votimit./Opinion.al

Pas