Paraditen e sotme kryeministri i Kosovës Ramush Haradinaj ka zhvilluar takim zyrtar me kryeministrin Edi Rama. Më pas dy kryeministrat zhvilluan takimin inaugural me Komisionin për organizimin e Vitit Mbarëkombëtar të Gjergj Kastriotit – Skënderbeut, Rama tha se ky vit duhet të jetë për të ripërtërirë marrëdhëniet mes dy vendeve. Po ashtu u vendos që në datat 27- 28 Nëntor të zhvillohet mbledhja e përbashkët e qeverisë Shqipëri-Kosovë.
“Teksa kryeministri i Kosovës e nderon Shqipërinë me vizitën e tij zyrtare nuk kishim si të mos nguteshim të çelnim siparin e parë të përpjekjes së përbashkët për konkretizim të një viti simbolik që e duam jo të hershëm në shfaqejet e kujtesës por sa më të gjallë, e duam si gur të ri kilometrik në ndërlidhjes mes veti. Vitin e përvjetorit të vdekjes së heroit tonë kombëtar Skëndërbeut s’e duam si pretekst për t’u nisur të hallakatur , por si motiv për të ripërtërirë lidhjet tona me njëri tjetrin, për muaj e për vit të bashkuar, në funksion të një të ardhmejeje të merituar për shqiptarët. Nën shenjën e heroit tonë ky vit të na shërbejë si busull ardhmërie por edhe një pakt i pashkruar pëgjegjshmërie në funksion të njerëzve të zakonshëm. Thelbi i mesazhit të Kuvendit të Lezhës duhet të përshkojë këtë vit.
Mesazhi i dytë do ishte ai i Shqipërisë së dijes me objektiva të qarta arsimorë, kulturore të përbashkëta për dy qeveritë për të ripërtërirë trashëgiminë tonë arkivore gjuhësore e historike. Të mendojmë edhe për tu ndarë nga historia e lodhshme sovjetike e akademive të shkencave që i përkasin të shkuarës e për ti hapur rrugë krijimit të një akademie shqiptare pa kufij, ku të gjtha mendjet e ndritura të kombit tonë të jenë në një çati në funksion të atyre vlerave të rëndësishme identitare dhe të asaj trashëgimie që s’mund ta lëmë të bjerret, por duhet ta nxisim e promovojmë.
Kërcënimit që i bëhet gjuhës shqipe, të folur e të shkruar dhe domosdoshmërinë që ne ti bëhemi mburojë kësaj arritje të jashtëzakonshme dhe të pakrahasueshme të shqiptarisë.
Mesazhi i tretë ai i ardhmërise ku partnerët ë rëndësishëm do jenë të gjithë komunat shqipfolëse të rajonit me objektiva koncize zhvillimore dhe marrëdhëneive qytetare.
Mesazhi i katërt që mendoj se do i shkonte këtij viti të shënjuar është ai i dinjiteti qytetar, për të pasur objektiva për shanse të denja për rininë.
Ky s’do jetë viti i të pushtetshmëve dhe i qokave përkujtimore, por viti i shqiptarit të zakonshëm dhe i fëmijëve të kombit shqiptar, që ti japim përmes frymëzimit të këtij viti të rëndësishëm më të mirën tonë duke cuar përpara procese dhe nisma që i shërbejnë të ardhmes dhe ku e shkuara është një pikë referimi e se kthejnë në një shpatë ku palët luftojnë njëra tjetrën”.
