Një incident i pazakontë ka ndodhur sot në një avion të nisur nga aeroporti “Nënë Tereza” për në Athinë.
Udhëtarët shqiptarë janë tmerruar kur pak minuta pasi avioni ishte ngritur nga toka, dera e tij u hap në ajër.
Një qytetare dëshmoi për newsbomb.al:
U nisëm nga Rinasi me linjën ‘Olympic’ dhe pas 15 minutash kur ishim ngritur nga toka na lajmëruan se do të ktheheshim pas. Kishte probleme me derën, na thanë se është hapur gjatë kohës që ishim në ajër. Sigurisht që u trembëm
Avioni ka bërë ulje të detyruar në aeroportin e Rinasit ndërsa qytetarët presin brenda ambienteve të terminalit pa marrë shpjegime nga kompania.
