Franca i ka qëndruar vetos së saj kundër hapjes së negociatave me Shqipërinë dhe Maqedoninë e Veriut. Edhe në darkën informale që u zhvillua mbrëmjen e së enjtes presidenti Emanuel Makron ka këmbëngulur se nuk është koha për të vijuar me zgjerimin, por duhet të reformohet së pari BE-ja.
Por cilat janë hapat që mbeten nga negociatat në anëtarësim?
Pas hapjes së dialogut për negociatat, procesi zhvillohet si më poshtë bazuar në kapitujt:
1. Screening (Skanimi) –Komisioni kryen një ekzaminim të detajuar së bashku me vendin kandiat për çdo (fushë) kapitull politikash. Gjetjet për çdo kapitull i prezantohen komisionit në formë raporti. Konkluzionet janë një rekomandim për Komisionin për të vijuar më tej apo për të kërkuar disa kushte të caktuara që duhen përmbushur.
2. Pozicioni negociues– Përpara se negociatat të nisin, vendi kandidat duhet të parashtrojë pozicionin e tij. Për shumë nga kapitujt BE do të vendosë nivele që duhen përmbushur nga shteti kandidat. Ritmi i negociatave varet nga shpejtësia e reformave dhe vendosja në një nivel me ligjet e vendeve të BE.
Përmbyllja e negociatave
1. Mbyllja e kapitujve
Negociatat nuk do përmbyllen derisa secila qeveri e BE të jetë e kënaqur me progresin e kandidatit në fushat e analizuara nga komisioni.
2. Marrëveshja e pranimit
Ky është dokumenti që vendos anëtarësimin e vendit në BE.
Ai nuk është përfundimtar deri në momentin që:
• Fiton mbështetjen e Këshillit, Komisionit dhe Parlamentit Europian
• Firmoset nga vendit dhe përfaqësuesit e BE
• Ratifikohet
Vend i miratuar
Sapo marrëveshja firmoset, kandidati bëhet një vend i pranuar. Ai do të jetë një anmëtar i plotë në datën e parashikuar në marrëveshje. / Përgatiti Manjola Bregasi
