Një atraksion i ri turistik hapet në zemër të Durrësit. Hamami i periudhës Osmane, monument kulture i kategorisë së parë, ka rihapur dyert për vizitorët vendas dhe të huaj, pas një restaurimi të plotë me fond prej 32 milionë Lekësh nga programi EU4Culture i BE-së.
Godina e shekullit XVIII është një nga dhjetë hamamet e mbijetuar në Shqipëri dhe hapet për herë të parë për publikun, pasi më parë nuk ka qenë e aksesueshme për shkak të amortizimit.
I dëmtuar nga i njëjti tërmet mbeti edhe Muzeu Arkeologjik Kombëtar i Durrësit, ku prej tre vitesh vazhdojnë punimet për restaurimin.
Muzeu pritet të rihapet për vizitorët në vjeshtën e këtij viti. Hamami ndodhet në juglindje të qytetit mesjetar, përgjatë bulevardit “Epidamn”.
I vendosur vetëm disa qindra metra larg paraardhësit të tij antik, banjave romake, hamami funksionoi për herë të parë deri në fund të shekullit XIX.
Në fillim të viteve 2000, ai pësoi disa ndryshime për t’u kthyer në një kafene, e cila funksionoi për disa vite.
Pas mbylljes, Hamami u dëmtua rëndë nga tërmeti i vitit 2019.
Klan News
