Të dhënat personale të më shumë se 147 milionë amerikanëve kanë rënë pre e një sulmi kibernetik nga hakerët kinez në vitin 2017.
Shtetet e Bashkuara akuzuan katër zyrtarë ushtarakë kinezë për një sulmin kundër gjigantit amerikan të vlerësimit të kredive, Equifax.
Disa konsumatorë britanikë dhe kanadezë janë prekur po ashtu.
Prokurori i përgjithshëm amerikan, William Barr, e përshkroi sulmin e hakerëve si “një nga shkeljet më të mëdha të të dhënave në histori”.
“Ka qenë një ndërhyrje e qëllimshme dhe gjithëpërfshirëse në informacionet private të popullit amerikan”, tha ai.
Firma e vlerësimit të kredive, Equifax, mban të dhëna për më shumë se 820 milionë konsumatorë, si dhe informacione për 91 milionë biznese.
Sipas dokumenteve të gjykatës, katër të akuzuarit janë anëtarë të Institutit 54 të Kërkimeve në Ushtrinë Çlirimtare Popullore të Kinës.
Ata kanë kaluar javë të tëra në sistemin e kompanisë Equifax, duke vjedhur të dhëna personale, thuhet në dokumente.
Grupi gjithashtu akuzohet për vjedhje të sekreteve tregtare, përfshirë përpilimin e të dhënave dhe modelin e bazës së të dhënave.
Kina nuk ende nuk ka dhënë një koment lidhur me akuzat. /Opinion.al
