TIRANE- Elisabeta Imeraliaj nuk ishte një magjistare por një hajdute profesioniste. Ajo bashkë me grupin pasi vidhnin kartën e identitetit në një personi, përshtaste fytyrën e saj me atë në foton e kartës së vjedhur.
Në këtë mënyrë ajo dhe grupi kishin arritur të mashtronin bankat duke marrë kredi në shumën e 150 milionë lekëve. Njësia hetimore Task-Forcë ka zbardhur të plotë mekanizimin se si funksiononte grupi.
Ndryshimin e imazhit ajo e bënte në parukeri, ku kryente ndryshimin e flokëve, dhe bënte makiazh.
Në këtë foto tregohet se si e arrestuara Elisabeta Imerliaj, ka përshtatur imazhin e saj me shtetasen Rasema Kurti,të cilës i kishin vjedhur kartën.
Pjesë e grupit të vjedhjeve me anë të mashtrimit ishin edhe Paulin Aliaj dhe Edison Nuzi. Të tre janë në burg dhe mbi ta rëndojnë një sërë akuzash, si vjedhje, mashtrim, etj.
