Komisionari për zgjerim në Bashkimin Europian Johanes Hahn, ka zhvilluar një vizitë në Serbi.
Hahn është shprehur se bllokimi i dialogut me Kosovën nuk duhet të ndikojë në integrimin e Serbisë në Bashkimin Europian.
Komisioneri i BE, gjatë vizitës së tij është takuar me Presidentin serb Aleksandër Vuçiç, duke e inkurajuar atë për reformat e ndërmarra.
“Shumë punë ka për të bërë. Nuk ka arsye dhe do të ishte gabim që të ndalohet me gjithçka vetëm për shkak se ka një ngecje në dialog. Unë jam falenderues që Serbia e kupton këtë”.
Po ashtu, Hahn është takuar dhe me kryeministren, Ana Brnabic, ku kritikoi taksën e Kosovës ndaj Serbisë.
“Serbia deri më tani është vendi më i lidhur në rajon dhe bizneset e saj përfitojnë nga ky bashkëpunim. E kuptoj irritimin tuaj me imponimin e tarifave nga Prishtina dhe ne mundohemi që të hiqet pasi qartë pengon idenë e një tregu të përbashkët dhe pengon zhvillimin e tregtisë dhe bashkëpunimit ndërkufitarë. Por, ka edhe fusha të tjera që janë duke konbtribuar në bashkëpunimin rajonal”,-Opinion.al E.Xh.
